Pages

13 May 2009

لو افتونى


انا الأخير ف القصة يا عبلة 
ملخوم ف رفع ستارة مسدولة 
لأجل ماتنزل بكرة  من تانى 
ولو أفتونى فى المنطق
هاقول لازم يموت عنتر
لإن الحب للأحرار
منين فارس 
وإسود ف نوادى القوم 
منين عاشق وبات مهموم 
بحِلم بيكرة الصحيان 
ولو افتونى فى الفكرة 
هاقول باظت 
مفيش احلام 
واضيف للصمت احداثة 
كدة ساكت ... كدة ندمان 
كدة خايف وليا تاريخ مع الخزيان 
مفيش ف القصة غنيوة 
مفيش فى الصحرا غير غربان 
منين طالع بقى المغنى 
وكيف هاتغنى يا كروان ؟؟

6 comments:

ساعه الغروب said...

طيب اكومنت اقول ايه ؟؟


!!!

اقدم عاصمه فى الحب said...

اممممممم
يعنى انا كده اعتبرك ايه
مفتى ديار الحبيبه
ولا عنتر تو(عنتر2)ا
على العموم ماحدش فاهم حاجه

ساعه الغروب said...

الله بجد عليك

الكلمات واضحه اوى وصريحه اوووووووى

والحزن فى النهايه هو سيد الموقف
!!! !!! !!!

بجد قويه اوووووووووى

مش عارفه بجد اعبر ازاى عن اعجابى بيها
يمكن لانك بقالك فتره مش كتبت كدا


يا بخت "عبلتك "بيك

:)

ماشاء الله

ربنا معاك ويكتبلك كل خير

max.adams said...

لا هنغني ولا نضحّك ولا حتى هنحلم بالنهاية و النهار الحب سيبه يا عنتر لابن الملوح شاعر المجنونه .. و اللي ماطالش زيه زي العبد الاسود اللي نظر لساداته ما طالش مجنونته و عنتر طال حبيبته بمهر عصافير كتير ما يقدر حر عليهم
عنتر حب و اتجوز وبقى البطل الأوحد
و الصحرا هجرتها الغربان من الحر و الزحمة
و كرواننا مش بيتأخر عن الحفلة بتاعة كل خميس في الأوبرا الطبيعية

.....................
يبدو و الله أعلم اني بدأت أكتب خزعبلات كمان شويه هكتب هيراطيقي و عجبي

Unknown said...

اقدم عاصمة فى الحب

الاول منور المدونة

ياعم متعتبرنيش اى حاجة

اقولك اعتبرنى عنوانك لاقيتة مكتوب فى ورقة على الارض ولما دورت علية لاقيتة عنوان لحاجة مش موجودة اصلا



ساعة غروب


طبعا واكيد ومفيش شك الكومنت بتاعك
اسعدنى وزى ما بيقولوا اثلج صدرى
عبلة بعيدة اوى ومفيش عنتر بيوصل لعبلتة بالغنا والشعر وخصوصا اذا كان فى صحرا

دعواتك بقى للصحرا تفضى من غربانها وتتملى عصافير بتزقزق


--------------------------
الفنكوش الاعظم

قد بلغنى ايها الفنكوش المعظم بان الاستبحس ضرب والحنفية عاوزة جلدة ومتنساش موضوع الوناسة عشان بالوناسة بالذات انت ممسوك عليك واحدة

اما بعد
بعد ان اجتازت مشاعرنا فترة عصيبة فى تاريخها الاخير من السقطات والهفوات وقد كان لكل هذة العوامل تاثيرها على القلب الذى تولى امرة اما جاهلا او فاسد قررنا نحن ان لسة فى برضواامل

منورنى

EveryHasha said...

كلمات جميله واحساس اجمل

الي الامام

تقبل مروري