Pages

08 May 2008

جوة الكوز بمزاجى

39838751_272a1145fb_o


رحيل من وراة رحيل

وشمس وقمر ونجمة وضلة

وأحلام مرمية عالرصيف

وعيال بتبلبع اوهام

وامخاخ طالبة معاهم تهيس

الكلام

مكان بدايتة

هو هو مكان نهايتة

دواير دواير

الكل فيها ساير

تعرف تبص من بعيد أوى

على حياتك

عاملة زى شجر اللمون

يدبل موسم ويرجع يطرح في موسم تانى

الخلاصة متوهش تانى

أقولك مفهومي عن الحزن

الحزن دة رحلة

جوة نفسنا المظلمة

ومع كل رحلة حزن

بتنور شمعة

تحزن كتير نفسك من جوة هاتنور اكتر

نصيحة منى ليك

إوعى تقّرى اى كتاب في التنمية البشرية

ماهو لو عملت اللى كان بيعملة زويل

من اول يوم فى عمرة

مش بالضرورة هتاخد نوبل

مالحق

أنا كنت عاوز أقول مالاول

إن

لسة في أمل


بس وحيات أبوك أنظر حولك وأبتسم


---------------------------------------





كلهم في المكان
الزهور التي ذَبُلتْ
والهّرجُوالبَبَّغاء الكسيحُ
وبائعةُ الحبِّ
بعضُ الجنود
وقد فقدوابعض أعضائهِمْ،في احتدام الطعانْ
الحبيبُ، الحبيبةُ
بعد فوات الأوانْ
كلهم في المكان
يبحثون عن الـ..
ضاعَ منهم
وكنت أنا في الطريقِ إليهمْ
لأعزفَ أغنيةَ المهرجان!



نط جوة الكوز بس بمزاج








15 comments:

Oma said...

شجر اللمون ساعات مش بيطرح تاني...ويفضل دبلان على ارضو..مش انا اللي بقول ده منير
جوا الكوز بمزاجك...

انت اللي مش فاهم ولا انا اللي مش فاهمه :D

سيبك انت كتبتلك كومينت بالعربي اهو والعربي ده مش بييجي على كيبوردي بسهوله كدةةةةة :))))))))

جامد انت يامصطفى

Oma said...

Iam the firssssssssssst comment :))))

NilE_QueeN said...

دا كوز دره ولا كوز عصير قصب


البوست دا فكرنى باغنية مروان خوري ف فيلم اوقات فراغ

ندور ندور ندور بجناح حزين مكسور..ساعات بنشوف ف الضلمه وساعات نتوه ف النور بنلف ف دواير ندور ع الحقيقه ونلاقينا رجعنا لمترح ما ابتدينا

حمامة said...

الحزن دة رحلة

جوة نفسنا المظلمة

ومع كل رحلة حزن

بتنور شمعة

تحزن كتير نفسك من جوة هاتنور اكتر



الجزء ده جااااااااااامد جداً

وكمان انت قولت حاجة لذيذة اوى

بص على حياتك من براها

تصدق فكرة :)

Unknown said...

اوما

شايف الحروف العربية بترقص مالفرح

شجر اللمون دة برضوا جوة الكوز بمزاجة

سعات دبلان وتحسية هايموت

وسعات بيعافر فى الارض لحد مايطرح

ودى ميزة الكوز


منورة يا وئام

---------------------------------
nile queen

دة كوز احلامنا

اللى بنط فية لما تخنق اوى برة

ماهو لازم لينا حتة نخرج فيها الكبت

بمناسبة الكبت

كلمات عبد الرحمن الابنودى

عاملة زى الكوز بس كوز متغطى ميخرجش الاحلام لبرة


شكرا على الكلمات

--------------------------
حمامة

الزاوية عمالة تضيق وتضيق
واحنا برضوا مصممين نبص مالزاوية الضيقة

مش عارف دة نسمية اية

ودنك منين يا جحا

بالمناسبة
انا عمرى ما بصيت على حياتى من براها

اكونش انا حمار جحا

منورة

Desert cat said...

ضاقت فلما استحكمت حلقاتها فرجت وكنت اظن الا تفرج
ان شاء الله خير
تحياتى

ساعه الغروب said...

من يوم ما كتبت البوست وانا باجى هنا كل يوم واقرا البوست اكتر من مره اول ما ادخل نت واقراه قبل ما امشى
وفى كل مره ما كنتش بعرف اكتب اى حاجه
يمكن النهارده لانه حزنى وصل لقمته قدرت اكتب حاجه

الحزن صديق احيانا اوفى واخلص من ناس كتير عرفناهم واحيانا اخرى اقسى واكثر عذابا من ناس اكتر


احيانا بيقى هو الدافع للشعور بالفرحه بعده واحيانا اخرى بيبقى بيدوم او بيسيب جوانا اثار مش بتعرف تمحيها الايام




انا لقيتنى كئيبه زياده النهارده
سورى
احتمال اجى اعلق تانى


ربنا معاك ويوفقك لما فيه الخير ليك


شكرا جدا وشكر اكتر لعتليقك عندى اللى فاق معنى البوست

max.adams said...

لقد اخترت الكوز اضغد تأكيد لتأكيد الاختيار ....

يظهر أنك مصر على الكوز يا مستر مصطفى بس ولا يهمك يا سيد الكوز زي ما انت عرضت في التريلر مليان بشر و أحداث مش هتزهق جوه يعني
ولو بصيت عى شجرة اللمون هتلاقيها يا عيني مليانة شوك محدش يحاول ياخد منها لمونه الا و اتشك مرة على الأقل و رغم ذلك ترجع و تاخد لمونه تانيه وهو ده اللي احنا بنعمله..

تحياتي يا مستر بلدياتي

max.adams said...

أنت تعرف يا صاصا اني لما بقرأ المقالات بتاعتك مش بعرف أرد أقول ايه لأني ببقى مش فاهم فعلا فبحط المؤشر جوه مكان الكتابه و بقرأ البوست تاني و اطلق أصابعي للريح اا قصدي للوحة المفاتيح

بس بجد أنا كنت عبارة عن بقايا آدمية في الفتره اللي فاتت و امتحاني بكره و الحياه حلوه

سلام يا برنس

أسماء علي said...

الكوز احساسه حلو اوي
كل الإحباط ده وف الاخر بتقولي ابتسم؟؟
ازاي بس
..
بوست حلو ..

el_assel said...

اوقات كتير جدا
لما يكون الواحد مش فاهم حاجة
او مش عايز يفهم حاجة
او بيهرب من حاجة فاهمة ومش قادر يستوعبها

فالحل الوحيد بقي
انه ينط في الكوز
ويفضل قاعد في شوية مع نفسه
لغاية ما يحس انه بقي كويس
او الناس اللي بكرة الكوز بقوا مش فاهمين

مش انت بس اللي بتنط في الكوز
علي فكرة كل واحد منا لليه الكوز بتاعه
مع اختلاف المسميات


سلاماتي

Unknown said...
This comment has been removed by the author.
Unknown said...

احب اهنيك على نجاح مدونتك الباهر و الدليل على كده ان العبد لله هيس ومبقاش فاهم حاجه
ههههههههههههههه
انا دايما كنت بقول ان الحزن ده حاجه جميله وانا بحبه لانى بيخلينى افكر فى حياتى كلها من اول وجديد
اخيرا لقيت حد معاى بدل ما كانوا بيقولوا عليا نكدى
________________________________
يا عم عبرنى على مدونتى بس مش دلوقتى لانى عامل تحالف مع المذاكرة عشان نصد هجوم الامتحانات بس معلهش
ويا ريت تعتبرنى صديق البرنامج

max.adams said...

ازي الامتحانات يا أمير (برنس) أنا فنص السكه و أهي هانت عقبالك

Unknown said...

قطة الصحراء

انا متوقع كل خير

يارب نبقى كلنا متوقعين الخير


-----------------------
ساعة الغروب

عجبنى اوى كلمة

ان الحزن دافع للشعور بالفرحة

يمكن هو بيدى للفرحة معنى تانى

يمكن دى مش الفكرة اللى انا قصدتها

بس انتى حطيتى على الفكرة فكرة

ويارب كلنا نتعلم من احزانا

ونستمتع بافراحنا

------------------------
ابو الفناكيش

شعورك دة بيثبتلى قد اية

انا كنت واقعى لما اخترت اسم المدونة دى
متغيبش تانى يا

مستر بلدياتى


------------------------
د/اسماء على

ماهو عشان كل الاحباط دة

لام نبتسم

اهلا بيكى عندنا


----------------------

الاصيل


تفتكر دى حاجة ايجابية ولا سلبية


--------------------------
صاصا

ههههههههههه

اهلا بيكى يا باشا فى الرابطة

اقعد جنب اخواتك

وانا اكيد متحمس ارائي ورائيك
جدا

اعذرنى يا درش

امتحنات بقى

اوعدى جاى قريب
واهلا بيك معانا فى البرنامج

-------------------------
فنكوش

انا دلوقتى شايف اسوار عكا

ادينى اسبوع وانا افتحها