باتوة
فى الشوارع
بضيع
فى المواجع
بطوف فى المدينة
وبيوتها الحزينة
بشوف فى العيون
الحلم اللى راجع
تتعبنى الخطاوى
تخنقنى المدينة
ياخدنى حنينى
لبستان الحياة
افرد دراعى احضن هواة
ياخدنى خيالى
لايام صباة
فـــــــــــــاكر
هناك عند الشجر
تحت المطر
اِيدها فى اِيديا تشدنى
تنسينى احساس الخطر
عينها فى عنيا تهزنى
صورة من حسن القمر
محلى بستان الحياة
فى كل ركن ليا دمعة
وفى كل ضلة ليا بسمة
وعلى كل شجرة ليا رسمة
بتحكى ذكرى فى سكتى
بتجسد براءة خطوتى
هنا بنلعب
وهنا بنضحك وهنا بنحكى
وهنا بنرقص مالفرح
بعد نتيجة الامتحان
مر الزمان بس المكان
هو المكان
صورة بتدينى الامل
ذكرى تمنحنى الامان
سؤال لو سمحت عشان افهم هو مطلوب من الانسان انة يحتفظ جواة بكل الذكريات سواء وحشة او حلوة مع العلم حسب تجربة شخصية الذكرى الحلو اكيد ملزوق فيها ذكرى وحشة ولا مطلوب مالانسان انة يفتكر الذكرى الحلوة بس ولا مش مطلوب مالانسان انة يحتفظ باى ذكرى؟؟؟؟؟
فى الشوارع
بضيع
فى المواجع
بطوف فى المدينة
وبيوتها الحزينة
بشوف فى العيون
الحلم اللى راجع
تتعبنى الخطاوى
تخنقنى المدينة
ياخدنى حنينى
لبستان الحياة
افرد دراعى احضن هواة
ياخدنى خيالى
لايام صباة
فـــــــــــــاكر
هناك عند الشجر
تحت المطر
اِيدها فى اِيديا تشدنى
تنسينى احساس الخطر
عينها فى عنيا تهزنى
صورة من حسن القمر
محلى بستان الحياة
فى كل ركن ليا دمعة
وفى كل ضلة ليا بسمة
وعلى كل شجرة ليا رسمة
بتحكى ذكرى فى سكتى
بتجسد براءة خطوتى
هنا بنلعب
وهنا بنضحك وهنا بنحكى
وهنا بنرقص مالفرح
بعد نتيجة الامتحان
مر الزمان بس المكان
هو المكان
صورة بتدينى الامل
ذكرى تمنحنى الامان
سؤال لو سمحت عشان افهم هو مطلوب من الانسان انة يحتفظ جواة بكل الذكريات سواء وحشة او حلوة مع العلم حسب تجربة شخصية الذكرى الحلو اكيد ملزوق فيها ذكرى وحشة ولا مطلوب مالانسان انة يفتكر الذكرى الحلوة بس ولا مش مطلوب مالانسان انة يحتفظ باى ذكرى؟؟؟؟؟
10 comments:
علشان تقدر تعيش لازم تعمل نفسك مش واخد بالك
اضحك علي الدنيا قبل ما تضحك
عليك
عمر الذكريات مكانت حلوه
حتي لو ايام حلوه لمجرد انها بقت زكريات
هتبقي وحشه لانك متاكد ان الايام دي مش هترجع
عيش وبص قدامك
وعمرك ما تفكر تبص وراك واعتبر دايما ان اللي فات مات
اقولك مش لازم تعرف انا مين
اعتبرني واحده مش فاهمه حاجات كتير
ونفسي افهما
ربنا يسعدك
لا يا بني الحلو والوحش علشان لما تيجي تعد الأيام تلاقيها كاملة ..
مش تيجي بعد خمس سنين تعد تلاقيهم شهرين ..
كلها حياتك .. في سلتك . متوقعش منهم يوم ولو قطران .
الذكريات الجميله علي قد ما بتكون جميله علي قد ما بتكون مؤلمه لمجرد كونها بقت ذكري فاتت بس هي دي الحياه ايام بتفوت وايام بتيجيي ايام مليانه ذكريات منها الحزينه ومنها الجميله الحياة مش بتقف والذكري وجودها حافز كبير لانها بتدينا الامل في بكره واننا نبطل نياس عشان نقدر نعيش لبكره ونبص لقدام بنظره احسن من الاول نظره فيها تفاؤل وامل اكبر
علشان نقدر نعيش لبكره لازم يبقي عندنا امل
مع تحياتي الكبيره ليك وربنا يحميك
ويوفقك لانك موهوب قوي وشاعر كبير
انا معرفش انسي حاجه
بس الزكريات الوحشه حاول تبعدها واشغل بالك بالحلو
ولا اقولك متشغلش بالك الا بالنهارده ولو فى حاجه حلوه حنتلها ماشي
لكن لما تفكر ف الحاجات الوحشه هتتعب
هتعطلك عن المستقبل
تذكر ما تشاء ولكن حاذر " فالحزن يعرف المباغته "
مر الزمان بس المكان
هو المكان
صورة بتدينى الامل
ذكرى تمنحنى الامان
حلوق قوي يا صاحبي
الذكري غالبا بتبقي حلوه
حتي لو لموقف محرج بتفتكره وتضحك
اما الذكريات المولمه
فدي الحياه كفيله بيها
واحدة مش فاهمة حاجة
تفتكرى فى حد يقدر يضحك عالحياة زى ما بتقولى
وفى حد بيقدر يرمى كل ماضية
عامل زى واحد كل شوية يمشى فى طريق وكل ما ينسى حاجة يرجع يبتدى مالاول تانى
محمد العدوى
تفتكر الذكرى الحلوة
بتتحسب من العمر
مش انا اقدر اقول ان ايامى كاملة
بعدد ايامى الحلوة
بس
محتاج ردك
تحياتى
مها
نوع ايه مالذكريات اللى ممكن يديكى الحافز دة
على تكملة المشوار
NilE_QueeN
عاجبنى رايك
اوى
تحياتى على مرورك
Post a Comment