انطلاقة

انطلاقا من مبدا مش فاهم حاجة اكتب
مليون اتجاة جوة الحياة
وانا محتار اروح لفين
مليون امل مليون كابوس
احساس قساوة وشعور حنين
جوة الكتاب
رسمة امل
جوة الكتاب سطر حزين
اسم الكتاب قصة عذاب
واوقات
يكون اسمة الفرح
بداية الكتاب
صرخة الم
وناس فى عينها نظرة فرح
فيين اتجاهى فى الحياة
وطريقى
وطريقى فيها فيين منتهاة
متشتتين جوة الكتاب
متبعترين بين السطور
كان فينا حلم
لكنة غاب
وانفصل ما بينا بالف سور
حاولت اوصف
لاقيت كلام
ايوة كلام
بكلمة نبتديها
وبكلمة ننتهيها
قصة واجمل ما فيها

احساس اسمة الامل
سكة ومشينا فيها

عدينا اصع ما فيها

بتحدى فى العمل
لكنة كلة
كان كلام

***************************

انا والبنات وقفاك
نظرا للاقبال الشديد من بنات مصر المحروتة على برنامج

انا والنجوم و هواك
وضياع حق الشباب فى الاستفادة من الاستاذ المبدع الفيلسوف اسامة منير
قررنا نحن
ايوة نحن
افتتاح برنامج
انا والبنات وقفاك
انا=اللى هو كل واحد مش فاهم حاجة زى
البنات =سبب كل المشاكل واراهن اى حد يقول غير كدة
قفاك =دة نقطة النهاية لكل قصة حين يلتقى كف اليد مع القفا

وغالبا ما يصدر صوت رنان حسب قوة الفتاة

انا مش شاعر

يا ابنى انت عمرك ما هاتكون شاعر طب لية كدة لانك معندكش احساس ايوة بقولهالك انا مش شاعر لكنى بحس بحس بيك وبيها وبيهم من نظرة عينكم من غير ما تحكى من غير ماتقول انا رسمت بكلامى صور ليكم كلكم بلاش الضحكة المستفزة دى انا بتكلم بجد انا مش شاعر انا انسان بقول كلام باخد حقى بية حتى لو ما جاليش حقى كفاية ان كلامى هايرسمنى قدام نفسى انسان بنى ادم لة حق وبياخدة حتى لو مش باخدة فى الحقيقة بس انا اخدتة بكلامى زمان من حوالى عشر سنين كانت اول حاجة كتبتها عشان اخد حقى اة واللة حقى
قلبى فى حبك تاة واحتار انتى بهيمة ولا حمار ساكنة فى قلبى كانة زريبة شوفت معاكى الدنيا غريبة لو يوم شوفت الكلب اقول لولو حبيبتى مش معقول بئك قد بئ الفيل وبربورك قد النيل وشك زى طبق ملوخية من غير توم ولا تقلية اللة يصبرنى عليكى واتحمل ريحة رجليكى


كبرت شوية حبيت اقول لمصر كلمتين فطلعت كلام كلة الم وحسرة مع انى كنت لسة صغير بس كنت حاسس لانى مش شاعر انا انسان بيحس

بارد يا حضن الوطن بارد وفيك احساس القلوب شارد مجروحة قلوبنا لكن عايشين تايهين فى بحور السنين خايفين نصرخ بصوت الانين ومش عارفين جنون البشر واخدنا لفين عايشين على ماضى غرقان فى بحور السنين يامصرى قوم هش الوطاويط واخبط دماغ اللى يخون فى الحيط يامصرى عيش ولو ثانية حويط ولا انت غاوى تعمل دماغ تظبيط يامصر ابنك عايش وسط الحياة محتاس يركع يبوس ويعشق رجول الناس مش عارف يوم يبيعك ولا عارف يقتل الاخلاص ومستنى يوم ماترفعية فوق رؤوس الناس زهقت منك ومن ابوكى لكن بحبك حتى لو العبيد حكموكى انا لية بحبك يا مصر لية؟ بحبها ومش عارف سبب لحبها بفرح لها وقت الفرح والظلم مالى ارضها بنزف دموع لو تنكسر برغم قسوة اهلها فيها حلى اللى ضاع وانتهى ودمعى اللى كان بيروى ارضها لكنى لسة برضو بحبها


بس برضوا منيش شاعر



يلا مش مهم

بالشفا

والعوافى عليكوا بقى

اعتقلوا الحلم الجميل

انا
اقولها وانا فاقد لكل معانيها الانسانية
اقولها لاعبر عن حبى ل هو
هو هو حلم فى وطن لا يقبل الاحلام
وطن يحكمة ارباب الفساد
وطن تلاحقنا امواج اليائس فى بحرة
هو من استخدم عاطفتة الوطنية ليقاوم الامواج
ليسبقنا الى منصة التكريم الوجدانى
ونحن هنا ننتظر الرحيل الية


حلمت وحلمى مسجون
وانا واقف على الباب سجان
وباب السجن مقفول
ومفتاحة فى بحر من النسيان
يا حلم راقد فى السجون ابكى
وللذكرى ارسم دمعتى واكتب
عن قلب طاير فى السما فرحان
دلوقتى عندة مالشجن بركان


الوطن اصبح لا يعنى لى
الا الحزن بكل معانية القاسية
لكنى اعلم دوما انا الحلم سيخرج من قضبان السجون
سيخرج سفينة تعبر بنا امواج الظلم




ياللى سجنتوا الحلم
الحلم ساكن فى الغيطان
بذرة الحلم صاحى فى الكتب فكرة
الحلم طالل فى اللوح رسمة
الحلم ساكن جوة وطنى
رغم جدران السجون




لازم نصحى لازم نصرخ بعلو صوتنا
اكيد الدور المرة الجاية على واحد مننا
طول مالصمت هو رد الفعل اللى بنعملة
اكيد الدور هايجى علينا
واحنا هانتسال قدام ربنا
على كل اللى
لية سكتنا
لية ضعفنا
لية رضينا بالظلم
لية رفعنا شعار انا مالى


اصحى يا امل اصحى وفوق
بعد المغيب جاى الشروق
بعد الطوفان بيبان شطوط
بكرة الجراح تدبل تموت
رغم الكبوت
رغم صوت الظلم وقت السكوت



انت يا طير يا عارف شكوتى
احكى حكاية وطنى لكل قاضى فى دنيتى
يمكن يحكم حكم عادل فى قضيتى
ويخرج حلمى تانى ينور سكتى

ولمستها

لمستها
ولمست فيها جرحها
وحكتلى اة عن سرها
حبتنى هيا ولا
قلبى حبها
كانت بتحكى وكاتمة بين عيونها دمعها
ولمحت فيها صورة حزينة
بتترسم
بخط احساس الندم
حسيت كلامها يتعزف
من جوة اوتار الالم
ملامحها كانت تنطوى
وتبان خطوط الياس فى وشها
لكنى واللة
حسيت كلامها
لمستها


حسيتها فيا ملاك رحيم
بيجسد براءة خطوتى
سكنت فى قلبى بصوتها الحزين
فرسمت تفاصيل ضحكتى


بينا خط العمر واحد
بينا دمع الحزن واحد
لسة فينا احساس بالكيان
مرسومة فينا نظرة تفائل

رغم اللى كان