انا والخروف

خروف انتا وانا انسان
مدبوح انتا وانا مدبوح
لو ها تماما وانا لو انوح
برضوا الدبح فينا مسموح
انتا بلحمك تسعد ناس
لكن لحمى رخيص ينداس
قلبى وقلبك هما قلوب
قلبك انتا فى الزيت بيدوب
لكن قلبى للاحزان مخطوب
مخك جوة الصلصة عجايب
بس انا عندى فى المخ مصايب
ممكن اخد صورة معاك
تبقى ذكرى للمرحوم
بكرة هاتبقى انتا هناك
وانا راح اقضى العيد مهموم
الهم فى بلدى فى منة الوف
سبعين مليون بين نعجة وخروف
صوت الظلم اصبح مالوف
مهما نماما مهما نكاكى
برضوا هايفضل صوتنا واطى

لون الفرح اصبح مكبوت
دمع عيونا عالخد يفوت
ولا ودن بتسمع ولا عين بتشوف
مش قولتلكم نعجة وخروف
لما الطفل يكون لة اهات
بعد ميلادة يموت بساعات
مستشفى حكومى مفيهاش خدمات
ولا ودن بتسمع ولا عين بتشوف
مش قولتلكم نعجة وخروف
لما الراى يكون لة نقيض
وصاحب الحق يبقى اسمة عبيط
وانتخابات ظالمة وتزوير
والحق غفير والظلم وزير
ولا ودن بتسمع ولا عين بتشوف
مش قولتلكم نعجة وخروف
بس خلاص مش راح اكمل
اصل قالولى الليلة دى عيد
وقال اية بيقولوا
عيد سعيد

سنة جديدة

مرت سنين العمر عشرة وبعدهم

تسعة

ولسة بشوف اراضى الامل

واسعة

ولسة طيور الامل طايرة

ولسة قلوبنا لم تتعب من الدنيا

ومن المشاوير

ولسة الحلم بيطير

وعايشين بنستنى القدر

وبنرضى بالمكتوب

وللحزن توب

وللفرح توب

والدنيا دايما غالب على مغلوب

ومهما نحب ونسلم

ومهما قلوبنا تتكلم

اكيد الحزن هايصيبنا

واكيد الفرح هايسيبنا

واكيد قلوبنا هاتوة

وهاتوة معانى الحب فى قلوبنا

وهاتوة معانى الطيبة فى عيونا

وهايجى طوفان اليائس يقلبنا

ويغلبنا

وتعيش جراح النفس تعذبنا

ولكن هارجع واقول

راضى يا ربى بالقدر

وراضى بالمكتوب

عدى يا ليل

عدى يا ليل
زدنى عذاب
مسجون انا
مش لاقى باب
مدفون انا
تحت التراب
حلمى اسير عند السحاب
فى عينى دموع تملا البحور
قلبى ضعيف رافض يثور
راضى بعيشة القبور
امتى ياقلبى تصحى تثور


لسة الطريق مليان ورود
لسة العيون شايفة الوعود
لسة جوانا الامل
بان الحلم لينا يعود


طلى يافرحة واسالى
عن قلب عاش مكبوت
توهى يا دمعة واهربى
قبل الزمان مايفوت
موتى يا كدبة عمرنا
عمر الزمن مايهدنا
عمر الطريق مايذلنا
بايدينا ندفن يائسنا
ونبنى قصر لحلمنا
وعالذكرى نحفر اسمنا
عشاق لاخر عمرنا
للحب والخير والامل

كل سنة ومصر كلها بخير

احساس غريب

احساس غريب

كل مابكى لازم اضحك

وكل ماضحك لازم ابكى

سالت روحى دا من جروحى

ولا من حبى وحنينى

سالت عينى دا من سعادتى

ولا من قسوة سنينى

وقفت تاية بين الدموع وبين الفرح

ساعات احس ان الفرح بعد الالم هدية من عند الزمن

وساعات اشوف ان الالم بعد الفرح تمن لهدايا الزمن

عندى امل

اضحك من غير مادفع تمن

عندى طموح

بانى اروح عند القمر

وارقص واضحك من غير سبب

من غير ما اشوف فى عيون الناس العجب

من غير مابان انى قلبل الادب

لكن همومىجابتنى تانى لارضنا

خفت اضحك

بدات اعيط

من غير سبب

ووقفت اقول للناس كلمتى

اسمعونى ياناس

انا القلب اللى فية احساس

انا الصقر اللى عاش محتاس

كلمة واحدة هاقولها لكل الناس

يا اللى تخاف ما الالم لازم فى يوم هاتجيلة

ويا اللى تتمنى الفرح لازم فى يوم هاطولة

وهى دى الحياة

ضحكتين واة

ضحكتينك عيشهم

ودمعتينك حوشهم

عام سعيد

مر عام كامل من الالم والحزن والهفوات والسقطاتلكن انا لازلت اقف صلبا بلا تزحزح مازلت اقنع نفسى بان كل ماحدثماهو الا مجرد كابوس مر على فى ليلة ظلماء وهذا الكابوس كان يحمل صورة سوداء لقلب عاش ابيض ولم يتعود السواد

هل انا حقا من كان يسطر بافعالة كل هذا الفشل؟

هل انا حقا من كان ينثر كل هذا الياس على احلامة؟

اين كنت يا عقلى؟

اين كنت ايها الثائر؟

هل كنت تسبح فى امواج الهموم متناسيا كل تلك الاحلام التى رسمتها على ذاكرتك؟

اذا كنت نسيتها

فلماذا تركتنى اعيش من بعدها؟

ارجوك يا عقلى لو لم ترد لى احلامى فعليك ان تقنعنى بالانتحار

ولكن وكيف الانتحار لا لن انتحرفانا مازلت ارى شعاع الامل سانتظرةلكى اعيش لكى اكون كما كنت فى ذلك الماضىالذى اصبح من الحاضر بعيد

كم كنت جميلا ايها الماضى؟

لتعرف لماذا كنت جميلا لانى كنت اعيش بين صفحاتك كالصقر المحلق على ربوع الامل وكنت اعلم ان اليائس يلاحقنى لكنى لم اكن اهابة

لانى كنت احمل من الامل ماهو قادر على الفتك بة نعم اعلم انى بالامل كذلك الصقربجناحة

فاذا انكسر الجناح سيهوى الصقر فى الهاوية وهكذا انا

وداعا ايها العام الكئيببكل ماتحمل من الفشل لكنى وفى النهاية لا انكر بانك حملت لى بعض الهداياالتى وجدت بداخلها نوع فريد من البشر قل وجودة بيننا فارجوك ايها العام الكئيب حين ترحل فلا تاخذ هداياك منى

ااوداع الى الابد ايها الكئيب وشكر على هداياك

ماتت حبيبتى

ماتت حبيبتى

والقدر خدها وراح
ماتت وسابت قلبى

غريق فى بحور جراح
ماتت وعاشت دمعتى تزيد الجراح
ياريتنى اقدر افديكى بعمرى وترجعى
يارتنى اقدر اجيكى وتحسى بيا وتسمعى
امانة عليكى وانتى ماشية
تزورينى كل ليلة فى المنام
وتصبرينى لحد ما اجيكى عالحزن اللى رافض ينام
كنتى هنا وانا ماشى جنبك عالطريق نرسم حلمنا
كنتى هنا وبنبنى بيت فوق السحاب يضمنا
والحب كان بيجرى فى دمنا
وعدينا الطريق انتى وانا وعديت انا
ولاقيتك انتى مش هنا
وشفت دمك بيجرى ومعاة بيجرى حلمنا
ارجع يا حلم
رايح لفين
اوعاك تسبنى وحدى حزين
وسط البشر
وسط القلوب اللى اقسى مالحجر
يارب
يارب صابر عالبعاد رغم العذاب
يارب عارف انها كانت تراب وهاتعود تراب
ومستنى يوم مارقد جنبها تحت التراب

انتى شيطان

منك للة

بتفكرينى بجرح بتعب عشان انساة

منك للة كنتى كدبة

وعشت فيها

واخرتها عرفت معنى الاة

معقول يكون قلبك دة قلب

بيعشق ويدوب زى القلوب

ضحكتك ضحكة مسمومة

دمعتك دمعة مرسومة

من حبى انتى محرومة

ابعدى عنى وسيبينى

ارحمينى

معقول يكون قلبك حجر

دة انا دمعى دوب مليون حجر

اكيد انتى شطان

عايش بين القلوب انسان

انتى عايشة نار فى دمى

انتى عندى كل همى

كل حلمى انى اشوف دمعتك

كل املى انى اقتل ضحكتك

وبايدى اطفى شمعتك

واكون ظلام لسكتك

واسيبك للهموم تموتك

رحال بين الدروب

رحال بين الدروب
بيدور على فرحة للقلوب
تاهت بية الخطاوى
ولفت بية السكك
مكبوت فية الالم
والدمعة طالة فى فرحتة
والحزن ساكن جوة قلبى
لو زاد شوية يموتة


بحرة كبير مليان ماسى
وحلمة واقف عالشط راسى
وصوت المراكب بيزيد اساة
ولا هو عايم ولا هو راكب


يادمع نازل عالعيون تجرح
ءامتى هاتمشى وتسيب للفرح مطرح
راضى يابحر بكدة ولا عمرى فى القمر هاسرح
وهافضل كدة فى امواج الهموم اسبح
وموجة تجبنى يمين
وموجة فى النفوخ تنطح

يا بحر فية العبر
بتلين لكل عاتى
وفى الضعيف تدبح
ومهما يقول الاة
انت اصم ولا بتسمع

مسكين انا
وجيوبى فاضية مدلدلة
وهدومى بالية مهلهلة
مش فقر دة ولا مسكنة
دى صورة فى خيالى رسمتها
لكل عشاق المبادى
وكل اللى داب فى الهوى
صورة حزينة مزمنة
ملهاش دواء
وملعون ابو المبادى
وملعون ابو الهوى

اصرخ يا قلبى

اصرخ ياقلبى

اصرخ يا قلبى وقولها
لو كنت غالى عندها
ترجع وتمسح دمعتى
وبنور عيونها تنور شمعتى
وتحس بيا واحس بيها
واحس الدفا بلمسة ايديها
اسف انا
خانى شعورى بالحياة
اسف انا
قتلت الحب فى لحظة صباة
نادم انا
على كل حاجة عملتها
نادم انا
على كل كلمة جرحت بيها قلبها
اقتلينى
اجرحينى
اسرقى فرحة سنينى
بس اوعى
لحظة تمشى وتسبينى
ارجعيلى
ولملمى حلمى اللى انكسر
حسسينى بالدفا تحت المطر
عرفينى معنى الامان وسط الخطر
ولا اقولك
ريحينى
بكلمة واحدة هاتقوليها
كلمة بحبك حسى بيها
وحسسينى
وبعدها
ابقى سبينى
طير صغير
من غير جناح
عايش بيبكى على حلم راح

حلم مدفون

حلم مدفون

لو اسكت يقولوا عبيط

لو انطق يقولوا عنيد

لو اكتم دموعى فى نفسى

هاموت للحزن شهيد

ويزيد هم فوق همى

ويعيش قلبى مع همى

ويموت ضحكى فى الننى

وهاعمل اية يادنيا خلاص

مامات فى عيونى احساس

كان بيصبر قلبى عليكى

ويخفى دموعى الغالية عليكى

وفجاة صحيت من حلم لعلم

ولقيت حلمى جوة تابوت

تابوت منحوت بجراح القلب

وظهرت ليا جراح بتحب

بتحب الموت

سالت الموت امتى هاموت

رد وقال لما سنين العمر تفوت

سالت العمر لمين الامر

امر الحزن

رد العمر وقالى الامر لرب الكون

نطق لسانى اخر كلامى

وقال انا راضى باللى يكون

من رب الكون

بارد

بارد يا حضن الوطن بارد

وفيك احساس القلوب شارد

مجروحة قلوبنا لكن عايشين

تايهين فى بحور السنين خايفين

نصرخ بصوت الانين

ومش عارفين جنون البشر واخدنا لفين

عايشين على ماضى غرقان فى بحور السنين

يامصرى قوم هش الوطاويط

واخبط دماغ اللى يخون فى الحيط

يامصرى عيش ولو ثانية حويط

ولا انت غاوى تعمل دماغ تظبيط

يامصر ابنك عايش وسط الحياة محتاس

يركع يبوس ويعشق رجول الناس

مش عارف يوم يبيعك ولا عارف يقتل الاخلاص

ومستنى يوم ماترفعية فوق رؤوس الناس

زهقت منك ومن ابوكى لكن بحبك

حتى لو العبيد حكموكى

انا لية بحبك يا مصر لية؟

بحبها ومش عارف سبب لحبها

بفرح لها وقت الفرح

والظلم مالى ارضها

بنزف دموع لو تنكسر

برغم قسوة اهلها

فيها حلى اللى ضاع وانتهى

ودمعى اللى كان بيروى ارضها

لكنى لسة برضو بحبها