غيري الصفحة القديمة
وابتدى حكايتك معايا
ارسمي في قلبك مدينة
تحضني
وتحضن هوايا
واكتبي رسالة غرامك
بخط الحلم الجميل
علمي قلبي بكلامك
يداوى احساسى
العليل
نورى شمعة عيونك
تبقى ضىّ
فــــــــــليل طويل
بينا نشرق
فوق ضواحي الحب
نمسح
كل دمعة في عيون جريح
نبقى قصة
يتحاكى بيها
العاشقين
وبحوار صريح
نبنى بيتنا
يبقى حصن
فى كل ريح
أدى قلبي
هاتى قلبك
أدى ايدى هاتى ايدك
نرقص رقصة
رقصة أمل
بين العاشق والمعشوق
ندوب بيها
اى فروق
مانعة عيونا
تحس شروق
كل دة برقصة أمل
جوة المدينة
انا فى حالة استغراب
ازاى اكتب عن حالة حب
فى وسط حالة غباء سياسى
غبــــــــــــــــــــــــــاء
12 comments:
ya a5y el 3ziz ma taseeb el 7ala tatla3 w ta3'yar el mood da ya seedy bws bgd 7ga gamda a5ar 7ga
wallhy ana 3arfa any ma2sra gamad ma3ak mosh bes hena ma3 kolo wallhy ya rab tab2a b5eer 7abet bes atman 3alik
واللة جيتى فى بالى امبارح فتحت مدونتك وشوفت تعليقك
اللى انت سايباة فيها واطمنت عليكى
وسعيد جدا بتعليقك
ومرورك
لا خليك فى حالات الحب احسن
او اعتبرها استراحة لاخد بعض النفس
ما هو كفاية الواقع المر اللى بيحصل
خلينا نعمل مود نقدر نسير بيه حياتنا
واهو بعض الهدوء ليساعد على القيام مرة اخرى
بس كلمات جميلة قوى
اسعد الله اوقاتك
سيدي الفاضل اكتب و اكتب ما احنا طول عمرنا في حاله غباء سياسي مفرقتش كتير..كلامك جميل و الاجمل التقديم اللي انت كاتبه في ابوت مي بتاع معشر الحمير مش عايز اقولك اد ايه فظيع بجد و اجدع حاجة ان محدش فاهم حاجة..سلام
Esmat
انا مش بعترض عاللحالة
بس مستغربلها
ازاى الانسان فى عز لحظات الضيق بيقدر يعبر عن حالة هو مش حاسسها
او بمعنى اصح مش عايشها
shreef
تصدق فعلا الحالة بقت كلها غباء فى غباء
سواء سياسى او غيرة
سعيد ان كلماتى عاجباك بس اوعى انت بس تفهمها غلط
تحياتى ليك
ربنا يبعد عنك اى ضيق و
ادعو الله إنك تعيش وتحس هذه الحالة اللى ايديك كتبتها
واذا ياعمنا كتبت الكلام الجميل ده وانت مش عايشه
امال لما تعيشه
حتكتب ايه بقى
تحيه لك
جميل اوي انك تلاقي لحظة حب في لحظات الضيق
لحظة الحب دي هي اللي هتفرج لحظات الضيق
Esmat
لا ان كان على حالة الضيق
دى اصبح علامة مسجلة
فى حساة كل واحد
وانعدام الاحساس الحقيقى بالحب
هاخلى عبدالرحمن الابنودى يرد عليكى فية
جاى من بلادى البعيدة..لا زاد ولا ميه..وغربتى صاحبتى..بتحوم حواليا..وانتى تقوليلى باحبك..بتحبى ايه فيا..ودا حب ايه دا اللى من غير اى حرية.
sahr
ردك دة فكرنى بواحد صاحبى
كان كل مايفرح
يكتب فى كشكولة
انة فرح فى اليوم دة
لما فتحت الكشكول بتاعة
لاقيت انة بيفرح كل يوم
ومش بيعدى يوم من غير ما يفرح
بس هو يمكن كان بيعشق ملامح الحزن اللى فى وشة
حالة الحب ملهاش اي شيء يمنعها عشان تكتب عنها
ممكن يحصل اللي يمنعك انك تتكلم عنها
أو تكتب عنها
لكن هي جواك .. بكلامها و نبضاتها و اجواءها
ملوش معنى انك تفصلها عن اللي حوليك في حياتها لان الحب مش أجواء خاصة منفصلة عن الكون
بالعكس
بالحب بنفهم الكون
بمشاكله و جماله و غباءه أحيانا
ربنا يسعدك
مليش تعليق على رايك
لانة وصلنى للفكرة الصح تحياتى ليكى
وفعلا الحب
وسيلة لفهم معنى الكون
Post a Comment