ضمير فى صورة عفريت

فى الحلم ملامحى بترسمنى
فى الضجك عيونى بتسحرنى
وكأنى ملاك فى الحب مرفرف
ويعيش الفرح فى قلبى يهفهف
جوة النفس بركان بيثور
حالف يعبر برة السور
وكأنى فارس فى الحرب جسور
طالع من سيفة عفريت مسحور

طالع بيغنى ويقول حكايات
والصوت مليان اشجان واهات
وحكالى حكاية قلب ضعيف
ورسملى صورة وحش مخيف
ولما سالتة اية القصد؟
رد وقالى للظلم نهاية
ضحكت وقولت للكل نهاية

فرسملى عصفور بيطير
وكتبلى الحب امير


بالحب هاعيش
فى الدنيا
من غير تلطيش
بالحب هاناكل لقمة عيش
دة الحب ياعم كلام
تهويش
ولا عمرة هايكون ظابط للدنيا
ولا حتى شاويش
وجوة النفس بركان بيثور
حالف يعبر برة السور
مش مستنى للظلم نهاية
ولا حتى للحب طريق

الحلم دة ساكن جوايا
ولو حتى انا مت غريق

وكفاية يا ضمير تأنيب
من غير حب
بكون الحلم قريب
وساعات الظلم
بكون للحزن طبيب