عبيط دة ولا اية

هى صورة
ولا كورة
ولا حلمة انة ياخد
دور بطولة
ولا غاوى
يعمل القلب المداوى
ولا ناوى
يرقص عالطبل القناوى
حد قالة انى عاجز
ولا شاف عكاذى واكذ
ولا خضة كلب
حارس
ملك حراس المخابز
بص يابنى
ادى اخرى
وادى اخرك
وان كان قفاك عمال بياكلك
ايدى مش فاضية النوبة دى
كل فى نفسك
وابقى سمى
احسن الشيطان ينافسك
وليك عليا
يوم ماشوفك
فى الطريق
هابقى ابوسك
واقوم رميك
فى اى مقلب للزبالة

بحاول

يا سامعين كلامى
ازرعوا فيا الامل
بكرة بداية الامتحان
وكل شى محتمل
والفشل طعمة مر حنضل
لا يحتمل
والنجاح تمنة غالى
بايام السهر والعمل
فى رعشة فى ايديا بتقولى انى فى خطر
وفى فرحة جوة قلبى
بحلم بيرقص
فوق القمر
ازرعوا فيا الامل

لحظة ولازم نكون

لحظة تحدى
لحظة صمود
ومرايا حافظة كل العهود
وكلام بيرسم سلم صعود
ذكرى قديمة بتهزنى
لحظة شجن بتمسنى
تربط فى ايدى اساور قيود
رصيف فى قلبى مليان زحام
بين دمعة رايحة والم هناك
لكنى ماشى فى المخالف
رافض طريق اخرة الهلاك
جنب الرصيف
فى سكة فاضية منورة
ايوة الامل
راسملى وردة مزهرة
مش سكتى!!!
لكنى هاعبر
ايوة هاعبر ،،
بحر اتحفر من دمعتى
من سكة خطفت ضحكتى
.....................
لسكة يمكن اخرها
فرحتى
ايوة انا
مش فاهم حاجة