سيدى الرئيس
اهلا بيك فى برنامج خوازيق التاريخ
انا محتار ابتدى منين الخوازيق كتير ماشاء اللة وانا محتار ابتدى منين
....
الرئيس
ههههه انت اسمك اية يا ابنى
المذيع
اسمى صابر يا فندم
الرئيس
تعرف يا صابر سر الخوازيق المتينة اية
المذيع
اية يا ريس
الرئيس
السر فى كون الشعب صابر يا صابر
المذيع
طيب يا ريس هو انت مفيش عند اهلك دم لية تستغل الناس الطيبين دول
الرئيس
لا انا عندى دم بس الشعب هو اللى معندوش دم
قولى ازاى
المذيع
ازاى يا ريس؟
الرئيس
عمرك شوفت حمار اعترض على الفلاح ورفض ينضرب بالكرباج
طبعا لا
عمرك شوفت تور كسر الساقية وشال الغمامة من على عينة
طبعا لا
فبيكون رد فعل الفلاح انة يفضل يضرب الحمار ويجر التور الساقية من غير اعتراض
وهى دى حكاية الشعب
يبقى ميين اللى معندوش دم انا ولا الشعب
المذيع
خلاص يا فندم فكك من الزريبة اللى انت دخلتنا فيها دى
ونروح لسوال تانى
امتى حضرتك هاتبطل خوازيق
الرئيس
دة سوال مهم يا صابر
حالة من حالتين
الاولى: ان الثور يكسر الساقية وينطح الفلاح
التانية :لما الفلاح يموت
المذيع : مفيش حالة تالتة يا ريس
الرئيس: ايوة فى لما الاقى حد غيرى يدى خوازيق
المذيع : طب انت ممكن تلاقية
الرئيس: ههههه فى مفاجاة حلوة جاية
بس احب للشعب المتخزوق انتظروا خازوق كبير جاى فى السكة
المذيع: سيدى الرئيس وانت صغير كنت بتحلم تبقى خازو قصدى تبقى رئيس
الرئيس: وانا صغير كنت بحلم ابقى عربجى بس دلوقتى انا احسن من العربجى
لان العربجى بيمشى حمار واحد انا بمشى حمير كتير
المذيع :فى نهاية البرنامج تحب نسمع اغنية اية؟
الرئيس : احب اسمع اغنية الفنان العربجى اللى بيقول
بحبك يا حمار لانك يا حمار متخزوق على طول ولا يوم بينهق ولا تصرخ
